ការឈឺចាប់ត្រង់ពោះដែលត្រូវបានគេហៅជាញឹកញាប់ផងដែរថាជា”ឈឺពោះ ឈឺក្បាល ពោះជាដើម’គ្មាននរណាម្នាក់ជៀសរួចទេ”។ ជួនកាល ឬផ្សេងទៀត យើងទាំងអស់គ្នាបានឆ្លងកាត់ការឈឺចាប់យ៉ាងខ្លាំងត្រង់ផ្នែកពោះ!ហៅថាការឈឺពោះ គឺពិតជាមិនសម ដោយសារពោះដែលលាតសន្ធឹងពីខាងក្រោមទ្រូងរបស់អ្នកទៅក្រលៀនរបស់អ្នកផ្ទុកនូវសរីរាង្គសំខាន់ៗជាច្រើនផ្សេងទៀតដូចបានបង្ហាញក្នុងរូបភាពខាងលើស្រាប់។ ការឈឺចាប់នៅត្រង់ពោះអាចកើតចេញពីបញ្ហាមួយក្នុងចំណោមនោះ ហើយក្នុងករណីកម្រអាចកើតចេញពីសរីរាង្គ ក្រៅពីពោះផងដែរ ដូចជាសរីរាង្គក្នុងទ្រូង ឬឆ្អឹងត្រគាកជាដើម!

ប្រភេទនិងលក្ខណៈនៃការឈឺចាប់គឺជាការសំខាន់ណាស់ក្នុងការកែតម្រូវការធ្វើរោគវិនិច្ឆ័យអំពីស្ថានភាពនេះ។ ការឈឺពោះអាចមានកម្រិតស្រាល ឬធ្ងន់ធ្ងរ។ វាអាចបន្ត ឬអាចកើតមាន និងអាចបាត់ទៅវិញ។ វាអាចមានរយៈពេលខ្លី(ធ្ងន់ធ្ងរ)ឬកើតឡើងច្រើនសប្តាហ៍ និងរាប់ខែ(រ៉ាំរ៉ៃ)ក៏មាន ។ ការឈឺចាប់ធ្ងន់ធ្ងរមិនមែនតែងតែជាបញ្ហាធ្ងន់ធ្ងរនោះទេ។ ហើយការឈឺចាប់កម្រិតស្រាលក៏មិនមែនមានន័យថា វាមិនធ្ងន់ធ្ងរនោះដែរ។ នៅពេលអ្នកទៅជួបវេជ្ជបណ្ឌិត សូមព្យាយាមប្រាប់គាត់នូវព័ត៌មានលម្អិតឱ្យបានច្បាស់ពីប្រភេទនៃការឈឺចាប់ដែលអ្នកកំពុងជួបប្រទះ។ មានវិធីផ្សេងគ្នាក្នុងការពិពណ៌នាពីការឈឺចាប់ត្រឹមផ្នែកពោះរបស់លោកអ្នក៖

• ការឈឺចាប់ទូទៅ៖ នេះមានន័យថា អ្នកមានអារម្មណ៍ថា ជាងពាក់កណ្តាលនៃពោះរបស់អ្នក។ ប្រភេទនៃការឈឺចាប់នេះគឺមានលក្ខណៈធម្មតាចំពោះវីរុសក្រពះ ការមិនរំលាយអាហារ ឬឧស្ម័ន។ ប្រសិនបើការឈឺចាប់កាន់តែធ្ងន់ធ្ងរ វាអាចបណ្តាលមកពីការស្ទះពោះវៀនក៏ថាបាន
• ការឈឺចាប់ដោយកន្លែង៖ នេះគឺជាការឈឺចាប់ដែលត្រូវបានរកឃើញនៅក្នុងកន្លែងតែមួយគត់នៃពោះរបស់លោកអ្នក។ វាទំនងជាសញ្ញានៃបញ្ហានៅក្នុងសរីរាង្គ ដូចជាពោះវៀនដុះខ្នែង ថង់ទឹកប្រមាត់ ឬក្រពះ
• ឈឺចាប់ដូចជារមួលក្រពើ៖ ប្រភេទនៃការឈឺចាប់នេះមិនមែនធ្ងន់ធ្ងរគ្រប់ពេលវេលានោះទេ។ វាទំនងជាដោយសារឧស្ម័ន និងហើមពោះហើយជារឿយៗវាបណ្តាលមកពីជំងឺរាករូស
• ការឈឺចាប់ចុកក្នុងពោះ៖ ប្រភេទនៃការឈឺចាប់នេះកើតឡើងជាផ្នត់ៗទឹករលក។ ជាញឹកញាប់ វាកើតឡើង និងបាត់ទៅវិញមួយរំពេច ហើយជាញឹកញាប់វាធ្ងន់ធ្ងរ។

ក្រួសក្នុងតម្រងនោម និងក្រួសក្នុងថង់ទឹកប្រមាត់គឺជាមូលហេតុទូទៅនៃការឈឺពោះប្រភេទនេះ
ការឈឺពោះមានមូលហេតុជាច្រើន។ មូលហេតុជាច្រើន ដូចជាការឈឺចាប់ដោយសារឧស្ម័ន ការទល់លាមក អាឡែរហ្សីអាហារ ឬសាច់ដុំកន្ត្រាក់មិនធ្ងន់ធ្ងរទេ ខណៈដែលស្ថានភាពផ្សេងៗទៀត ដូចជាដំបៅក្រពះ ខ្នែងពោះវៀន ក្រួសតម្រងនោម ការស្ទះលាមកជាដើម គឺធ្ងន់ធ្ងរ ហើយត្រូវការការយកចិត្តទុកដាក់ព្យាបាលឱ្យទាន់ពេលវេលា។ ជួនកាលការឈឺចាប់ត្រង់ពោះអាចកើតឡើងដោយសារបញ្ហាមួយចំនួនជាមួយនឹងសរីរាងក្រៅពីពោះ ដូចជាកូនក្រៅស្បូន ការឆ្លងមេរោគលើផ្លូវបង្ហូរទឹកនោមជាដើម។

គន្លឹះសំខាន់គឺត្រូវដឹងថា តើពេលណាដែលលោកអ្នកត្រូវការការព្យាបាលភ្លាមៗ។ ហៅទូរស័ព្ទទៅវេជ្ជបណ្ឌិតរបស់អ្នកភ្លាម ប្រសិនបើអ្នកមានការឈឺចាប់ខ្លាំងខុសពីធម្មតា ដែលអ្នកមិនអាចធ្វើចលនាដោយគ្មានការឈឺចាប់បន្ថែម ឬអ្នកមិនអាចអង្គុយនៅមួយកន្លែង ឬរកកន្លែងមានផាសុកភាព។ ដូចគ្នានេះផងដែរ សូមស្វែងរកជំនួយវេជ្ជសាស្ដ្រភ្លាមៗ ប្រសិនបើការឈឺចាប់ត្រូវបានអមដោយសញ្ញា និងរោគសញ្ញាផ្សេងៗគួរឱ្យបារម្ភ ដូចជាគ្រុនក្តៅ រាករូសធ្លាក់ឈាម ឬឈឺចាប់ខ្លាំងនៅក្នុងពោះរបស់អ្នកជាដើម។

ជំហានខ្លះៗនៃការថែទាំនៅផ្ទះដើម្បីបំបាត់ការឈឺចាប់ពោះកម្រិតស្រាល រួមបញ្ចូលទឹកមួយជិប ឬវត្ថុរាវថ្លាផ្សេងទៀត។ ជៀសវាងអាហាររឹងក្នុងរយៈពេលពីរបីម៉ោងដំបូង។ ប្រើថ្នាំបំបាត់ការឈឺចាប់ចំពោះការក្រហាយទ្រូង និងការមិនរំលាយអាហារ។ ប្រើល្បាយអេឡិចត្រូលីត្រ ប្រសិនបើលោកអ្នកបាត់បង់ជាតិទឹកច្រើន។ ជៀសវាងប្រើប្រាស់ថ្នាំបំបាត់ការឈឺចាប់ ហើយស្វែងរកជំនួយពីគ្រូពេទ្យ។

ការទទួលបានសុខភាពល្អគឺជាការទទួលខុសត្រូវរបស់លោកអ្នក។ ថ្វីបើមានកាលវិភាគច្របូកច្របល់ និងរបៀបរស់នៅដ៏មមាញឹករបស់លោកអ្នកយ៉ាងណាក៏ដោយ ក៏លោកអ្នកចាំបាច់ត្រូវចំណាយពេលហាត់ប្រាណឱ្យបានទៀងទាត់ដែរ។ វាមិនត្រឹមតែមានសារៈសំខាន់សម្រាប់ពោះនិងសាច់ដុំរបស់លោកអ្នកប៉ុណ្ណោះទេ ប៉ុន្តែវាមានសារៈសំខាន់ស្មើៗគ្នាសម្រាប់ដំណើរការល្អនៃសាច់ដុំខាងក្នុងទាំងអស់ផងដែរ រួមទាំងសាច់ដុំពោះជាដើម។ ដូច្នេះ សូមកុំខកខានក្នុងការហាត់ប្រាណ ឬហាត់យូហ្គាប្រចាំថ្ងៃឱ្យសោះ។ ក៏ត្រូវយកចិត្តទុកដាក់ចំពោះអ្វីដែលអ្នកញ៉ាំផងដែរ។ ជ្រើសរើសអាហារឱ្យបានត្រឹមត្រូវ និងក្នុងបរិមាណដ៏ត្រឹមត្រូវ។ រួមមានផ្លែឈើ និងបន្លែជារៀងរាល់ថ្ងៃនៅក្នុងអាហាររបស់លោកអ្នក។ កាត់បន្ថយអាហារទាន់ចិត្ត អាហារដែលមានរសជាតិហឹរ និងអាហារសម្បូរជាតិខ្លាញ់ គ្រឿងស្រវឹង ការជក់បារី ភាពតានតឹង និងកត្តាផ្សេងៗទៀតដែលបណ្តាលឱ្យឈឺពោះ។ ចូរសម្រាក ហើយរីករាយនឹងអារម្មណ៍សុខស្រួលនៃការមិនឈឺពោះ។