“ការសើចសប្បាយ និងការគេងយូរគឺជាការព្យាបាលដ៏ល្អបំផុតនៅក្នុងសៀវភៅរបស់វេជ្ជបណ្ឌិត។ សុភាសិតរបស់អៀរឡង់។

ការភ្ញាក់ឡើងអារម្មណ៍ស្រស់ស្រាយគឺជាអារម្មណ៍ល្អបំផុតមួយដែលអ្នកអាចរីករាយ។ យើងពិតជាមានអារម្មណ៍ប្រុងប្រយ័ត្នខ្លាំង កាន់តែខ្លាំង ស្វាហាប់ជាងមុន រីករាយជាងមុន ហើយអាចបំពេញមុខងារបានល្អប្រសើរជាងមុនពេញមួយថ្ងៃ ក្រោយពីការគេងលក់ស្កប់ស្កល់។ ពេញមួយជីវិត តាំងពីទារករហូតដល់អាយុជាង65ឆ្នាំ ការគេងគឺសំខាន់ណាស់សម្រាប់ការថែទាំសុខភាព និងសុខុមាលភាពឱ្យបានល្អ។ បើទោះជាពេលដែលអ្នកកំពុងគេងក៏ដោយ ក៏ខួរក្បាលរបស់អ្នកកំពុងរៀបចំខ្លួននៅថ្ងៃបន្ទាប់ដែរដើម្បីឱ្យអ្នកប្រុងប្រយ័ត្នពេញលេញក្នុងការធ្វើសកម្មភាពប្រចាំថ្ងៃរបស់អ្នក ដូចជាការអានអត្ថបទជាដើម។ ចូរយើងពិនិត្យមើលខាងក្រោម តើការគេងរៀបម៉េចធ្វើឱ្យមានអត្ថប្រយោជន៍ដល់យើង តើការគេងប៉ុន្មានម៉ោងទើបល្អសម្រាប់យើង និងផលវិបាកនៃបញ្ហារំខានក្នុងការគេងទៅលើសុខភាពរបស់យើង។

របៀបដែលអ្នកមានអារម្មណ៍នៅពេលអ្នកភ្ញាក់ ពឹងផ្អែកមួយផ្នែកលើអ្វីដែលនឹងកើតឡើងនៅពេលអ្នកកំពុងគេង។ ក្នុងអំឡុងពេលគេង រាងកាយរបស់អ្នកកំពុងធ្វើការដើម្បីគាំទ្រមុខងារខួរក្បាលឱ្យមានសុខភាពល្អ និងរក្សាសុខភាពរាងកាយរបស់អ្នក។ ចំពោះកុមារ និងមនុស្សវ័យជំទង់ ការគេងក៏ជួយដល់ការលូតលាស់ និងការអភិវឌ្ឍផងដែរ។ ការគេងបានគ្រប់គ្រាន់នៅពេលត្រឹមត្រូវអាចជួយការពារសុខភាពផ្លូវចិត្ត សុខភាពផ្លូវកាយ គុណភាពនៃជីវិត និងសុវត្ថិភាពរបស់អ្នក។

តើការគេងប៉ុន្មានម៉ោងអាចថាជាការគេងបានគ្រប់គ្រាន់នោះ?ថ្វីបើបរិមាណនៃការគេងត្រូវបានតម្រូវប្រែប្រួលទៅតាមអាយុរបស់មនុស្ស(យោងតារាងទី1)និងកម្រិតនៃសកម្មភាពដែលបានបន្តក៏ដោយ ក៏ការគេងជាមធ្យមពី7ទៅ8ម៉ោងនៅពេលយប់ត្រូវបានគេចាត់ទុកថាគ្រប់គ្រាន់សម្រាប់មនុស្សពេញវ័យដែរ។

តារាងទី ១៖ បរិមាណនៃការគេងដែលត្រូវបានណែនាំសម្រាប់ក្រុមអាយុខុសៗគ្នា

ជាអកុសល របៀបរស់នៅច្របូកច្របល់នៅក្នុងសម័យទំនើបនេះបាននាំឱ្យមានការគេងមិនគ្រប់គ្រាន់ក្នុងក្រុមអាយុទាំងអស់។ ការគេងជាញឹកញាប់គឺជារឿងដំបូងដែលមនុស្សជាប់រវល់ងាកចេញពីកាលវិភាគរបស់ពួកគេ។ ប្រេវា៉ឡង់ខ្ពស់ការកម្រិតការគេងគឺជាបញ្ហានៃការព្រួយបារម្ភជាសាកល ហើយមូលហេតុដែលមានសក្តានុពលជាច្រើនសម្រាប់ការកម្រិតដូចគ្នានេះត្រូវបានកំណត់។ តម្រូវការសង្គម24ម៉ោង គុណនឹង7ម៉ោងនាពេលបច្ចុប្បន្នរួមទាំងម៉ោងធ្វើការយូរ និងការផ្លាស់ប្តូរការងារពេលយប់អាចនាំឱ្យមានការកម្រិតនៃការគេង។ តម្រូវការគ្រួសារ និងការងារផ្ទះក៏អាចនាំឱ្យមានការកម្រិតការគេងផងដែរ។ ការចំណាយពេលវេលាក្នុងការមើលទូរទស្សន៍ ការឆែកមើលប្រព័ន្ធអ៊ីនធើណិត ការតភ្ជាប់បណ្តាញទំនាក់ទំនងសង្គមជាដើម កាត់បន្ថយពេលវេលាសម្រាប់ការគេង។ បុគ្គលមួយចំនួនទទួលរងនូវស្ថានភាពជំងឺដែលហៅថា ការគេងមិនលក់ ដែលត្រូវបានកំណត់លក្ខណៈដោយការអសមត្ថភាពក្នុងការងងុយដេក ឬដេកលក់។
ការយល់ច្រឡំធម្មតាមួយគឺថាមនុស្សអាចរៀនដើម្បីយល់ដឹងពីការគេងតិច ដោយមិនមានផលប៉ះពាល់អវិជ្ជមាន។ ប៉ុន្តែ ការស្រាវជ្រាវបានបង្ហាញថា ការគេងឱ្យបានគ្រប់គ្រាន់ ទៅតាមពេលវេលាត្រឹមត្រូវ មានសារៈសំខាន់ណាស់សម្រាប់សុខភាពផ្លូវចិត្ត សុខភាពរផ្លូវកាយ គុណភាពនៃជីវិត និងសុវត្ថិភាព។

ការគេងមិនគ្រប់គ្រាន់អាចរំខានដល់ការងារ ការរៀនសូត្រ ការបើកបរ មុខងារសង្គម និងអ្វីៗច្រើនទៀត។ អ្នកអាចមានបញ្ហាក្នុងការរៀន ការផ្តោតអារម្មណ៍ និងប្រតិកម្មផ្សេងៗ។ កុមារដែលគេងមិនគ្រប់គ្រាន់អាចមានសកម្មភាពហួសហេតុ និងមានបញ្ហាជាច្រើនដែលត្រូវយកចិត្តទុកដាក់។ ពួកគេក៏ប្រហែលជាប្រព្រឹត្តមិនល្អ ហើយលទ្ធផលនៃការសិក្សារបស់ពួកគេអាចទទួលរងផលប៉ះពាល់ផងដែរ។ អ្នកដែលគេងមិនគ្រប់គ្រាន់ក៏ប្រហែលជាពិបាកក្នុងការវិនិច្ឆ័យអារម្មណ៍ និងប្រតិកម្មរបស់អ្នកដទៃផងដែរ។ ការគេងមិនគ្រប់គ្រាន់ក៏អាចធ្វើឱ្យអ្នកមានអារម្មណ៍ម៉ួម៉ៅ រញ៉ាំរញ៉ូវ ឬព្រួយបារម្ភអំពីស្ថានភាពសង្គមផងដែរ។ ការគេងមិនគ្រប់គ្រាន់ពាក់ព័ន្ធទៅនឹងបញ្ហាសុខភាពរ៉ាំរ៉ៃជាច្រើន រួមមានជំងឺបេះដូង ជំងឺតម្រងនោម ជំងឺលើសឈាម ជំងឺទឹកនោមផ្អែម ជំងឺដាច់សរសៃឈាមខួរក្បាល ភាពធាត់ជ្រុល និងជំងឺធ្លាក់ទឹកចិត្ត។ ការគេងមិនគ្រប់គ្រាន់ក៏ពាក់ព័ន្ធជាមួយនឹងការកើនឡើងហានិភ័យនៃការរងរបួសចំពោះមនុស្សពេញវ័យ ក្មេងជំទង់ និងកុមារផងដែរ ខណៈដែលពួកគេមិនប្រុងប្រយ័ត្ននឹងស្ថានភាពនៅជុំវិញពួកគេ ហើយងងុយដេកនៅពេលបើកបរ ប្រតិតបត្តិការគ្រឿងចក្រជាដើម ដែលអាចបណ្តាលឱ្យស្លាប់បាន។

ប្រសិនបើអ្នកព្រួយបារម្ភអំពីថា តើអ្នកគេងបានគ្រប់គ្រាន់ ឬយ៉ាងណានោះ ចូរព្យាយាមប្រើកំណត់ហេតុនៃការគេងរយៈពេលពីរសប្តាហ៍។ សរសេរពីចំនួនម៉ោងដែលអ្នកគេងរៀងរាល់យប់ របៀបដាស់រំឭក និងអ្នកមានអារម្មណ៍ស្រណុកស្រួលនៅពេលព្រឹក និងរបៀបដែលអ្នកមានអារម្មណ៍ថា ងងុយគេងនៅពេលថ្ងៃ។ បង្ហាញលទ្ធផលដល់គ្រូពេទ្យរបស់អ្នក ហើយនិយាយអំពីរបៀបដែលអ្នកអាចបង្កើនការគេងរបស់អ្នក។ ប្រសិនបើការងារ ឬទម្លាប់ប្រចាំថ្ងៃរបស់អ្នកកំណត់សមត្ថភាពរបស់អ្នកដើម្បីទទួលបានការគេងគ្រប់គ្រាន់ ឬការគេងនៅតាមពេលវេលាត្រឹមត្រូវ ចូរពិភាក្សាជាមួយគ្រូពេទ្យ។ អ្នកក៏គួរតែនិយាយជាមួយគ្រូពេទ្យរបស់អ្នកប្រសិនបើអ្នកគេងច្រើនជាង8ម៉ោងក្នុងមួយយប់ ប៉ុន្តែមានអារម្មណ៍មិនស្រណុកស្រួល។ អ្នកអាចមានជំងឺគេងមិនលក់ ឬបញ្ហាសុខភាពផ្សេងទៀត។

អ្នកប្រហែលជាគេងមិនគ្រប់គ្រាន់ ប្រសិនបើអ្នកជារឿយៗមានអារម្មណ៍ថា អ្នកអាចគេងលក់នៅពេលអង្គុយ និងអាន ឬមើលទូរទស្សន៍ដោយអង្គុយស្ងៀមមួយកន្លែងក្នុងកន្លែងសាធារណៈ ដូចជារោងកុន សាលប្រជុំ ឬថ្នាក់រៀន ឬពេលជិះក្នុងរថយន្តរយៈពេលមួយម៉ោងដោយមិនឈប់។ ខណៈពេលកំពុងអង្គុយ និងនិយាយជាមួយនរណាម្នាក់ ឬកំពុងអង្គុយដោយស្ងៀមស្ងាត់បន្ទាប់ពីទទួលទានអាហារថ្ងៃត្រង់។

ដោយធ្វើតាមទម្លាប់បន្តិចបន្តួចនៃការគេងលក់ស្កប់ស្កល់ វាអាចធ្វើឱ្យអ្នកភ្ញាក់ដឹងខ្លួនមានអារម្មណ៍ស្រស់ស្រាយពីមួយថ្ងៃទៅមួយថ្ងៃ និងអាចគ្រប់គ្រងទម្លាប់ប្រចាំថ្ងៃរបស់អ្នកដោយមិនមានអារម្មណ៍ងងុយគេងនៅពេលថ្ងៃ។ សូមព្យាយាមចូលគេង និងភ្ញាក់ឡើងក្នុងពេលតែមួយជារៀងរាល់ថ្ងៃរួមទាំងចុងសប្តាហ៍។ ការចូលគេងយឺត និងការគេងយូរនៅចុងសប្តាហ៍អាចរំខានដល់រដ្តរវាងដំណេក និងការភ្ញាក់នៃរាងកាយរបស់អ្នក។ ប្រើម៉ោងមុនពេលចូលគេងសម្រាប់ពេលវេលាស្ងប់ស្ងាត់មួយចំនួន។ រក្សាបន្ទប់គេងឱ្យស្ងប់ស្ងាត់ ត្រជាក់ និងពន្លឺមិនសូវភ្លឺ។ សូមព្យាយាមងូតទឹកក្តៅ ឬប្រើបច្ចេកទេសបន្ធូរអារម្មណ៍ផ្សេងៗមុនពេលចូលគេង។ ជៀសវាងការហាត់ប្រាណខ្លាំងក្លា និងដាក់ភ្លើងសិប្បនិមិត្តដែលមានពន្លឺភ្លឺ ដូចជាពីទូរទស្សន៍ ឬអេក្រង់កុំព្យូទ័រជាដើម។ ជៀសវាងការញ៉ាំអាហារច្រើនហួស ជាតិស្រវឹងជាតិនីកូទីន ជាតិកាហ្វេអ៊ីន និងភេជ្ជៈប៉ូវកម្លាំងផ្សេងៗទៀតក្នុងអំឡុងពេលចូលគេងពីរបីម៉ោង។

សរុបសេចក្តីមក ការគេងគឺជាតម្រូវការមូលដ្ឋានរបស់មនុស្ស ដូចជាការហូប ផឹក និងការដកដង្ហើម។ ចូរទទួលបានការគេងលក់ស្កប់ស្កល់ប្រចាំថ្ងៃរបស់អ្នក ហើយរីករាយនឹងជីវិតដូចដែលវាត្រូវបានប្រព្រឹត្តទៅ។