បច្ចុប្បន្ន ប្រជាជនចាត់ប្រភេទអាហារជាអាហារដែលធ្វើឱ្យមានសុខភាពល្អ ឬអាហារដែលមានគ្រោះថ្នាក់ដល់សុខភាព។ មានលទ្ធផលដ៏រឹងមាំដែលបង្ហាញថា របៀបនៃការចម្អិនម្ហូបអាហារទាក់ទងច្រើនទៅនឹងការដែលថា តើវាការពារ ឬបង្កឱ្យមានជំងឺដែរ ឬយ៉ាងណានោះ។

ឧទាហរណ៍មួយគឺពីត្រី៖ យើងដឹងថា អ្នកដែលបរិភោគត្រីសមុទ្រប្រឈមនឹងការមានជំងឺគាំងបេះដូងតិចតួច…ប៉ុន្តែប្រសិនបើអ្នកដែលបរិភោគតែត្រីចៀនវិញ ហានិភ័យនៃការកើតមានជំងឺបេះដូងនឹងមានការកើនឡើងដែរ។ អាស្រ័យលើរបៀបចម្អិន អាហារដូចគ្នាអាចបង្កើនការលើសទម្ងន់ ឬក៏ជួយក្នុងការសម្រកទម្ងន់។ កង្វះការយល់ដឹងគឺជាវិធីសាស្រ្តទូទៅពីការចម្អិនអាហារដែលប្រែក្លាយអាហារទៅជាជាតិពុលដែលអាចធ្វើឱ្យយើងស្លាប់បាន។

វាត្រូវបានគេសង្កេតឃើញថា ការបរិភោគអាហារដែលចម្អិននៅសីតុណ្ហភាពខ្ពស់ បង្កើនអត្រាដៅពេលដែលយើងអាយុកាន់តែច្រើន។ ពេលនោះ ក្រុមអ្នកវិទ្យាសាស្ត្របានរកឃើញថា ការទទួលទានអាហារដែលចម្អិនក្នុងសីតុណ្ហភាពខ្ពស់បានបណ្តាលឱ្យមានការរលាករ៉ាំរ៉ៃ និងglycationកាន់តែធ្ងន់ធ្ងរ។ ការសិក្សាដែលបានចេញផ្សាយថ្មីៗបានបញ្ជាក់ពីគ្រោះថ្នាក់ទាំងនេះ។ ឧទាហរណ៍ មហារីកសុដន់ និងក្រពេញប្រូស្តាតបានកើនឡើងយ៉ាងខ្លាំងចំពោះអ្នកដែលទទួលទានសាច់ឆ្អិនខ្លាំង ដូចជាហាំប៊ឺហ្គឺជាដើម។

នៅពេលអាហារណាមួយត្រូវបានកម្តៅនៅសីតុណ្ហភាពខ្ពស់(លើសពី ៣០០ អង្សារ)ការប្រែប្រួលជាតិគីមីកើតឡើងដែលធ្វើឱ្យខូចកោសិការបស់យើង បន្ទាប់ពីយើងញុំាអាហារនោះ។ ទោះបីវាជាខ្លាញ់ កាបូអ៊ីដ្រាត ឬជាតិប្រូតេអ៊ីនក៏ដោយ ក៏នៅពេលដែលប៉ះសីតុណ្ហភាពខ្ពស់ វាបញ្ចេញសមាសធាតុពុលដែលលោកអ្នកមិនត្រូវការនៅក្នុងខ្លួនរបស់លោកអ្នកនោះឡើយ។ ត្រូវបានគេព្រមានម្តងហើយម្តងទៀតអំពីគ្រោះថ្នាក់នៃការបរិភោគអាហារដែលចម្អិនឆ្អិនពេក-ជាពិសេសសាច់។

ការស្រាវជ្រាវដែលបានចេញផ្សាយក្នុងឆ្នាំ2012ពីមជ្ឈមណ្ឌលវេជ្ជសាស្ត្រដ៏ល្បីល្បាញមួយបានរកឃើញថា បុរសដែលទទួលទានសាច់ក្រហមចៀនត្រឹមតែ1.5ដងក្នុងមួយសប្តាហ៍បានបង្កើនហានិភ័យនៃការកើតមានជំងឺមហារីកក្រពេញប្រូស្តាតដល់ទៅ30%។ បុរសដែលញ៉ាំសាច់ក្រហមដែលចម្អិនក្នុងសីតុណ្ហភាពខ្ពស់ច្រើនជាង2.5ដងគឺមាន40%ដែលអាចនឹងកើតមានជំងឺមហារីកក្រពេញប្រូស្តាត។ ដោយពិចារណាថា បុរសខ្លះទទួលទានសាច់ដែលចម្អិនក្នុងសីតុណ្ហភាពខ្ពស់ជារៀងរាល់ថ្ងៃ តើវាគួរឱ្យភ្ញាក់ផ្អើលទេដែលបុរសវ័យចំណាស់ទទួលរងនូវអត្រារីករាលដាលនៃជំងឺមហារីកក្រពេញប្រូស្តាតនោះ?

ការញ៉ាំអាហារដែលចម្អិនក្នុងសីតុណ្ហភាពទាបជួយឱ្យស្រក់ទម្ងន់បាន

នៅឆ្នាំ ២០០៣ ការសិក្សាដែលគួរឱ្យចាប់អារម្មណ៍មួយបានបង្ហាញថាអ្នកជំងឺទឹកនោមផ្អែមដែលបរិភោគអាហារដែលចម្អិនក្នុងសីតុណ្ហភាពទាបបានស្រកទម្ងន់បើប្រៀបធៀបទៅនឹងក្រុមដែលទទួលទាននូវអាហារដែលមានចំនួនកាឡូរី កាបូអ៊ីដ្រាត ខ្លាញ់និងប្រូតេអ៊ីនដូចគ្នាដែលចម្អិននៅសីតុណ្ហភាពខ្ពស់។មិនត្រឹមតែម្ហូបដែលចម្អិនក្នុងសីតុណ្ហភាពទាបបានជួយសម្រួលដល់ការសម្រកទម្ងន់ប៉ុណ្ណោះទេប៉ុន្តែវាក៏មានការថយចុះជាតិគ្លុយកូសក្នុងឈាមផងដែរ។

ការសិក្សារយៈពេល6សប្តាហ៍នេះបានបង្ហាញថា ការបរិភោគអាហារដូចគ្នាដែលបានចម្អិននៅសីតុណ្ហភាពទាបបានបន្ថយសារធាតុGlycated-LDL 33%ខណៈអ្នកជំងឺទឹកនោមផ្អែមដែលទទួលបានអាហារដូចគ្នាដែលចម្អិននៅសីតុណ្ហភាពខ្ពស់ជាងនេះបានកើនសារធាតុGlycated-LDL 32%។

សម្លឹងទៅមុខនៅឆ្នាំ2012ហើយក្រុមអ្នកស្រាវជ្រាវម្នាក់នៅសាលាវេជ្ជសាស្ត្រMount Sinaiបានកំណត់អត្តសញ្ញាណសមាសធាតុមួយនៅក្នុងអាហារដែលចម្អិនឆ្អិនពេកដែលដើរតួយ៉ាងសំខាន់ក្នុងការវិវត្តនៃការធាត់ដុះក្បាលពោះ និងជំងឺដែលទាក់ទងនឹងការធាត់ជ្រុលនេះ។

មនុស្សភាគច្រើនដឹងរួចទៅហើយថាglycationគឺជាយន្តការដ៏កាចសាហាវនៃការកើនអាយុដែលបំផ្លាញការបំពេញមុខងារប្រូតេអ៊ីនដែលដំណើរការក្នុងខ្លួន និងបង្កឱ្យមានការរលាករ៉ាំរ៉ៃដែលជាលទ្ធផលនៃការឡើងទម្ងន់។

ការផ្លាស់ប្តូរវិធីសាស្រ្តចម្អិនអាហារអាចពន្យារភាពចាស់

សារធាតុAGEឬសារធាតុGlycotoxinsត្រូវបានរកឃើញនៅក្នុងអាហារដែលត្រូវបានចម្អិនច្អិនពេក ឬចម្អិននៅសីតុណ្ហភាពខ្ពស់ពេក។ វារួមបញ្ចូលទាំងអាហារដែលត្រូវបានចៀន អាំង ឆ្អើរ ឬចម្អិននៅក្នុងមីក្រូវ៉េវ។

បើទោះជាសារធាតុអាក្រក់បំផុតគឺជាផលិតផលពីសត្វ ព្រោះវាមានបរិមាណខ្លាញ់”មិនល្អ”ខ្ពស់ ដែលបង្កើនការវិវត្តនៃការបង្កើតសារធាតុGlycotoxinsក៏ដោយ ក៏អាហារណាដែលប៉ះនឹងកម្តៅខ្លាំងអាចបំផ្លាញជាតិស្ករធម្មជាតិនៅក្នុងអាហារ និងបង្កើតសារធាតុGlycotoxinsដែរ។ ជាការពិតចំពោះអាហារដែលចម្អិនរួចស្រេចក្នុងកញ្ចប់ ដែលត្រូវបានរក្សាទុក កម្តៅសម្លាប់មេរោគ យកជាតិខ្លាញ់ចេញ ឬកែច្នៃ ដូចជាម្សៅពណ៌ស ម្សៅលាយល្បាយនំខេក ទឹកដោះគោកំប៉ុង ម្សៅទឹកដោះគោស្ងួត ម្សៅស៊ុតស្ងួត ផលិតផលទឹកដោះគោរួមទាំងទឹកដោះដែលបានកម្តៅសម្លាប់មេរោគ និងកំប៉ុង ឬម្ហូបដែលបានចម្អិនរួចស្រេចក្នុងកញ្ចប់ដាក់ឱ្យកក។ បើទោះជាវាមិនអាចទៅរួចដើម្បីជៀសវាងសារធាតុGlycotoxinsទាំងស្រុងក៏ដោយ ក៏វាអាចកាត់បន្ថយការប្រឈរមុខដោយផ្លាស់ប្តូរវិធីដែលចម្អិនដែរ។ ចូរពិចារណាអំពីការចំហុយ ស្ងោ ស្ងោមួយរំពុះ ស្ល ឆា-ចៀន ឬប្រើចង្ក្រានចម្អិនយឺត។ វិធីសាស្រ្តទាំងនេះមិនត្រឹមតែចម្អិនអាហារដែលមានកម្តៅទាបប៉ុណ្ណោះទេ វាថែមទាំងបង្កើតជាតិសំណើមក្នុងអំឡុងពេលចម្អិនទៀតផង។ យោងតាមក្រុមអ្នកស្រាវជ្រាវ ទឹក ឬសំណើមអាចជួយពន្យារប្រតិកម្មដែលនាំឱ្យមានសារធាតុGlycotoxins។ អាហារដែលប្រលាក់ដោយប្រេងអូលីវ ទឹកខ្មេះផ្លែប៉ោម ខ្ទឹម មូតាក ទឹកក្រូចឆ្មារ និងស្រាស្ងួតក៏អាចជួយបានដែរ។ ជាចុងក្រោយ សូមពិចារណាធ្វើការផ្លាស់ប្តូររបបអាហារបន្តិចដោយបន្ថែមផ្លែឈើស្រស់ និងបន្លែស្រុះទៅក្នុងរបបអាហាររបស់លោកអ្នក។

របៀបចម្អិនGlycationធ្វើឱ្យយើងស្លាប់

ដំណើរការglycationដែលប្រែទៅជាសាច់មាន់ពណ៌ត្នោតនៅក្នុងឡគឺដូចគ្នានឹងអ្វីដែលកើតឡើងចំពោះប្រូតេអ៊ីននៅក្នុងខ្លួនរបស់យើងនៅពេលយើងចាស់។ នៅពេលដែលប្រូតេអ៊ីនរបស់រាងកាយមានប្រតិកម្មជាមួយនឹងជាតិស្ករវាប្រែពណ៌ត្នោត និងភ្លុយអររេសង់ បាត់បង់ភាពរលាស់ និងតំណភ្ជាប់ដើម្បីបង្កើតម៉ាស់ដែលមិនអាចរំលាយបានដែលបង្កើតអុកស៊ីតកម្ម។ លទ្ធផលនៃសារធាតុAdvanced glycation end products (សារធាតុGlycotoxins)កើនឡើងនៅក្នងខូឡាចេន និងស្បែក កញ្ចក់ភ្នែក ខួរក្បាល និងប្រព័ន្ធសរសៃប្រសាទ សរសៃឈាមក្រហម និងសរីរាង្គសំខាន់ៗនៅពេលយើងចាស់។ ជាអកុសល សារធាតុGlycotoxinsមានភាពធន់ទ្រាំខ្លាំងទៅនឹងដំណើរការធម្មតានៃការផ្លាស់ប្ដូរ និងបង្កើតឡើងវិញនូវប្រូតេអ៊ីន ដែលរក្សាសុខភាពជាលិកា និងសរីរាង្គរាងកាយបានរឹងមាំល្អ។

តើរាងកាយអាចទប់ទល់នឹងការវាយប្រហាររ៉ាំរ៉ៃទាំងនេះទៅលើប្រូតេអ៊ីនយ៉ាងដូចម្តេច?កោសិកាដែលមានអាយុកាលយូរអង្វែង ដូចជាកោសិកាសរសៃប្រសាទ និងកោសិកាសាច់ដុំមានកម្រិតខ្ពស់នៃអុកស៊ីតកម្មDipeptideដែលគេហៅថាអុកស៊ីតកម្មCarnosineដែលកើតមកពីអុកស៊ីតកម្មHistidineនិងអុកស៊ីតកម្មBeta-alanine។ មិនដូចជាអុកស៊ីតកម្មធម្មតាទេ អុកស៊ីតកម្មCarnosineរាំងស្ទះផ្លូវជាច្រើនដែលជាប់ទាក់ទងក្នុងដំណើរការរបស់សារធាតុGlycation។

ការចម្អិនអាហារ និងការកើនអាយុមានលក្ខណៈជីវសាស្ត្រស្រដៀងគ្នា

អាហារចម្អិននៅសីតុណ្ហភាពខ្ពស់ធ្វើឱ្យមានលទ្ធផលទៅជាពណ៌ត្នោតដែលស្ករ និងខ្លាញ់អុកស៊ីតកម្មខ្លះមានប្រតិកម្មជាមួយនឹងប្រូតេអ៊ីនដើម្បីបង្កើតសារធាតុGlycotoxinsនៅក្នុងអាហារ។ ការកើនអាយុធម្មតាក៏អាចត្រូវបានចាត់ទុកថាជាដំណើរការចម្អិនយឺតៗផងដែរ ចាប់តាំងពីប្រភេទទាំងនេះបង្កើតសារធាតុGlycotoxinsដូចគ្នានៅក្នុងស្បែក សរសៃឈាមក្រហម កែវភ្នែក សន្លាក់ និងឆ្អឹងខ្ចីនៃរាងកាយរបស់យើង។

ការសិក្សាបានបង្ហាញថា ការទទួលទានចំណីអាហារដែលមានកម្រិតសារធាតុGlycotoxinsខ្ពស់ អាចនាំឱ្យមានការចាប់ផ្តើមកម្រិតទាបមួយ ប៉ុន្តែជាដំណាក់កាលនៃការរលាករ៉ាំរ៉ៃ។ លើសពីនេះទៀត សារធាតុGlycotoxinsនៅក្នុងអាហារដែលចម្អិននៅសីតុណ្ហភាពខ្ពស់ក៏ជួយលើកកម្ពស់ការបង្កើតសារធាតុGlycotoxinsនៅក្នុងជាលិការស់នៅរបស់យើងផងដែរ។ ដូច្នេះនៅពេលដែលយើងញ៉ាំចំណីអាហារដែលត្រូវបានធ្វើដោយការចម្អិននៅសីតុណ្ហភាពខ្ពស់នោះ ចំណីអាហារទាំងនេះធ្វើឱ្យខូចខាតស្រដៀងគ្នាទៅនឹងប្រូតេអ៊ីនដែលមាននៅក្នុងរាងកាយរបស់យើងដែរ។